Հայաստանը երկընտրանքի առաջ
ԵՄ-ին անդամակցելու դեպքում Հայաստան-ՌԴ ավիահաղորդակցությունը կդադարեցվի․ Օվերչուկ
ՌԴ փոխվարչապետ Ալեքսեյ Օվերչուկը զգուշացրել է, որ Եվրոպական միությանն անդամակցելու դեպքում Հայաստանը Ռուսաստանի հետ ավիահաղորդակցություն չի ունենա, հաղորդում է ТАСС-ը:
«Այժմ Եվրոպական միության երկրների հետ ավիահաղորդակցություն չկա, նշանակում է՝ մենք Հայաստանի հետ ավիահաղորդակցություն չենք ունենա»,- ընդգծել է նա «Первый канал»-ի եթերում:
Օվերչուկը նշել է, որ Հայաստանի քաղաքացիները պետք է գիտակցեն ԵՄ-ի հետ մերձենալու վերաբերյալ պաշտոնական Երևանի ընդունած որոշման հնարավոր հետևանքները:
«Թերևս սա շատ կոշտ է հնչում, բայց մենք ուզում ենք, որ Հայաստանում մարդիկ հասկանան՝ եթե դա տեղի ունենա, ապա տեղի կունենա այն պատճառով, որ Եվրոպական միության հետ մերձեցման որոշումներ են ընդունվել»,- ասել է Ռուսաստանի փոխվարչապետը:
Միևնույն ժամանակ, ըստ Օվերչուկի, անհայտ է մնում, թե ի վերջո ինչով կավարտվի Հայաստանի համար ԵՄ անդամակցությունը:
