«Ամբերդ ամրոց» պատմամշակութային արգելոցի տարածքում շարունակվում են շինարարական աշխատանքները։

ՀՀ ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ից տեղեկացնում են, որ հուշարձանի ամրակայման աշխատանքներին զուգահեռ իրականացնում են նաև պեղումներ։ Հնագիտական արշավախմբի  ղեկավար Արտավազդ Զաքյանը հայտնում է, որ դղյակի տարածքում ուշագրավ նյութ են հայտնաբերել․ հետաքրքրական է հատկապես  նիզակի ծայրը՝ կոթառում կոտրված փայտամասով:


Պեղումների ժամանակ հայտնաբերվել է նաև մեծ քանակությամբ ջնարակված խեցեղենի բեկորներ, աշխատանքային գործիքներ։


Ամբերդ ամրոցում վերականգնման աշխատանքների պատվիրատուն ՀՀ կրթության, գիտության, մշակույթի և սպորտի նախարարությունն է, հուշարձանի վերականգնման համար աշխատանքների ընդհանուր նախահաշվային արժեքը կազմում է  մոտ 461 միլիոն ՀՀ դրամ ։