«Չելսի» ֆուտբոլային ակումբը 121 տարեկան է
Չելսի ֆուտբոլային ակումբը նշում է իր հիմնադրման տարեդարձը։
Լոնդոնյան ակումբը ստեղծվել է 1905 թվականի մարտի 10-ին՝ անգլիացի գործարարներ Գուս Միրսի և նրա եղբոր՝ Ջոզեֆ Միրսի կողմից։ Նրանք գնել էին Ստեմֆորդ Բրիջ մարզադաշտը և որոշել ստեղծել ֆուտբոլային թիմ, որը կանցկացներ իր տնային հանդիպումները հենց այդ մարզադաշտում։ Սկզբում քննարկվել էին ակումբի մի քանի տարբեր անվանումներ՝ «Ստեմֆորդ Բրիջ», «Լոնդոն» և «Քենսինգթոն», սակայն վերջնականապես ընտրվել է «Չելսի» անվանումը՝ Լոնդոնի Չելսի թաղամասի պատվին։ Նույն թվականին թիմը միացել է Անգլիայի ֆուտբոլային լիգային և սկսել իր մրցելույթները անգլիական ֆուտբոլում։ Տարիների ընթացքում Չելսին դարձել է Անգլիայի և Եվրոպայի ամենահայտնի ու հաջողակ ակումբներից մեկը՝ նվաճելով բազմաթիվ ազգային և միջազգային տիտղոսներ։