Ադրբեջանում ԱԽ նիստ են հրավիրել

Պաշտոնական Թեհրանը, թեև հայտարարում է, որ Նախիջևանի ուղղությամբ չի կրակել, Ադրբեջանում, սակայն, պնդում են, թե տեղի ունեցածը ադրբեջանական պետության դեմ ահաբեկչական ակտ է։  Անվտանգության խորհրդի նիստում Ալիևը փաստացի «մատ» է թափ տվել Իրանի դեմ և հայտարարել, որ «ահաբեկչական գործողության հեղինակները պետք է անհապաղ պատասխանատվության ենթարկվեն։ Իրանցի պաշտոնյաները պետք է բացատրություններ տան ադրբեջանական կողմին, ներողություն խնդրեն, իսկ այս ահաբեկչության մեղավորները պետք է քրեական պատասխանատվության ենթարկվեն», - հայտարարել է Իլհամ Ալիևը՝ հավելելով, որ զինված ուժերին հանձնարարական է տրվել պատրաստել և իրականացնել պատասխան միջոցառումներ։

«Այսինքն՝ իրանական հասարակության առջև մեզ սևացնելու, զրպարտելու և վարկաբեկելու փորձերը հենց այդ նպատակն էին հետապնդում։ Քանզի դրա համար որևէ հիմք չկար։ Ադրբեջանը ո՛չ այն ժամանակ, ո՛չ էլ հիմա չի մասնակցում և չի մասնակցելու Իրանի դեմ գործողություններին։ Մենք պաշտպանում ենք և պաշտպանել ենք մեր տարածքային ամբողջականությունը։ Ինչպես որ վերջ դրեցինք հայկական օկուպացիային, այնպես էլ պատրաստ ենք մեր ուժը ցույց տալ ցանկացած չար ուժի դեմ, և թող Իրանում դա չմոռանան։

Մեր դեմ այս ահաբեկչությունն իրականացրած այդ անազնիվ մարդիկ կփոշմանեն դրա համար։ Թող չփորձեն մեր ուժը։ Մենք «Երկաթե բռունցքով» ջարդել ենք այն մարդկանց գլուխները, ովքեր ցանկացել են փորձել մեր ուժը», - սպառնացել է Իլհամ Ալիևը։