Ինչ կարող է լինել Իրանում Խամենեիից հետո

Խամենեիից հետո իշխանության հարցը բաց է։ Իրանի Սահմանադրությունը նախատեսում է անցումային ղեկավարություն, բայց իրական որոշումները կարող են կախված լինել ուժային կենտրոններից։ The Economist-ը գրում է, որ երկրի ղեկավարի թեկնածու կարող է լինել նախկին նախագահ Հասան Ռոհանին։

 Ռոհանին հիշվում է որպես 2015-ի միջուկային համաձայնագրի բանակցող։ Նրա նման դեմքը կարող է նշանակել լարվածության թուլացում, բայց դա դեռ ենթադրություն է։

Խամենեիի որդու՝ Մոջթաբա Խամենեիի անունը նույնպես շրջանառվում էր որպես հնարավոր իրավահաջորդ։ Սակայն նման ժառանգական տարբերակը կարող է ներսում լուրջ հակասություններ առաջացնել և խորացնել իշխանական պայքարը։

 Իրանում առանցքային դեր ունի Իսլամական հեղափոխության պահապանների կորպուսը (ԻՀՊԿ)։ Եթե քաղաքական վերնախավը թուլանա, հենց ԻՀՊԿ-ն կարող է դառնալ գլխավոր որոշող ուժը։

 Թրամփը բազմիցս քննադատել է «վարչակարգերի փոփոխության» քաղաքականությունը՝ այն համարելով քաոսի պատճառ։ Հիմա նա կանգնած է հենց նման անորոշության առաջ։

 Հիմնական հարցը՝ կփոխվի՞ համակարգը, թե՞ նույն ուժային կառուցվածքը կշարունակի գործել այլ անուններով։